لآخر العمر
مش قتلي لآخر العمر نعطيك وعدي..تلقاني معاك وقت الصندي..و كان طريقك شوك نفرشلك جلدي..موش قتلي انحي من روحي و نعطيك من عندي..و كان دارت الأيام عليا ..نلقاك سندي! موش قتلي تهنی..غيب..و هاني فيك نستنی..و ننسی الكلام في غيابك..و مفما كان اسمك علی لساني يتغانی..موش قتلي نصورلك الدنيا جنة و ربيع..و في خطوط كفي تضيع..و كان تبدل عليا العالم الكل.. انت ما تبيع..موش قتلي حبك ولا فيا عادة موش صنيع؟! ..و هاهي تنسات العادة..و الكلام الي تولد ماتت معاه الولادة..و الوجيعة الي لقيتني بيها زدت عليها زيادة...

جهاد الغالي

Partager cet article

Repost 0