‫ ذليلة وما باليد حيلة

حطت راسها علی صدرو..تخبات منو عندو..تعبها في حظورو و تعبت اكثر في بعدو..ميهمهاش في كلام الناس و محشتها بحد بعدو..خلي يقولو تذلت..أرض بور و تبلت..المهم هو جا و بيبان الجنة تحلت..رخصت روحها؟..تي شكون داري بجروحها و اش عانات..عطشانة و تروات..المهم هو حذاها..بين يديها..من كلام الناس مخبيها.. يحس بالجمرة كان الي يعفس عليها..تمنات تعنقو اربعة سنين..تسمع منو حتی كلمتين..تدخل في غيبوبة..و هو الصيد الي يخبيها مالذيوبة..معادش تعاودها ..شعفة و توبة!..تو حست بالراحة و تهنات..خليه يرجع لجفاه و خلي يرجع للسكات..المهم معاها..حذاها..تعبتها الليالي الي عدتها وحدها..تحكي لمخدتها..زادت عنقتو كي تفكرت برد الشتا..كانت شوافرو غطا..و صوتو دفا..كان كي العسل عل الخوا..تي شكون قال الي هي قوية..بلا بيه تحرم المشية و الجية..بلا بيه دفنوها و هي حية.

جهاد الغالي

Partager cet article

Repost 0