تستاهل
اخترت تبعد..تو ساهلة و بعد اش مش يكف دمعك السايل..في بعدي مش يتخلط عليك ليل و قوايل..مش نشمت فيك..اي منخبيش عليك..نقول طاح فيك شر الفعايل..مش تحلم بيا في احلی تصويرة..مش تشوفني موش بضحكة ..لا..بتشوحيرة!.. في كل منام مش نجيك..نسلم عليك و نقلك العيب فيك.. لا في الحنة و لا في رطابة يديك..الي كان حاسدك ليوم يضحك عليك..لسانك مش يتعقد مع كل كلمة حلوة..و معاد شي كيما كان و معاد حتی مطرح كيما هو..شكون مش يعبي عليك الدنيا بعدي..و لشكون مش تحط الكحل في بعدي..الكحل الي الدمعة مش تمحيه..كايني تقلك لواه مشاو اماليه..الي ليا ليا و الي بعدي يبقی ليه..نعرف!..نعرف معاد حاليتلك زينة..نعرف الي تشوف فيا في كل تركينة..و نعرف زادة الي قلبي كاسح و انت حنينة. #تستاهل

_________________________________

جهاد الغالي

Partager cet article

Repost 0